အမျိုးသမီးတွေ စိတ်ဝင်စားပြီးဝါသနာပါတဲ့ အိမ်တွင်းမှုသက်မွေး အလုပ်ကလေးတွေက တကယ့်ကို စိတ်ဝင်စားဖို့ကောင်းပြီးတော့ များစွာ အကျိုးရှိပါတယ်။
သိုးမွေးထိုးတာတို့၊ အဝတ်ချုပ်တာ၊ ပိတ် ရက်တာ အစရှိသဖြင့် သက်မွေးအတတ်ပညာလေးက လူ့စိတ်ကို သက်သောင့်သက်သာနဲ့ ပျော်စရာပေးပါတယ်။ အာရုံစိုက်ဖန်တီးနိုင် တဲ့ စိတ်ကူးတွေနဲ့ အသုံးအဆောင်လေးတွေ ဖန်တီးပြင်ဆင်ရတာ စိတ်ဝင်စားဖို့ကောင်းပါတယ်။
အခုဖော်ပြမယ့် နည်းလမ်းကလေး တွေကတော့ ဒီလိုအိမ်တွင်းမှု သက်မွေးပညာလေးတွေနဲ့ ချစ်စရာ ကောင်းတဲ့ အိမ်အလှဆင်ပစ္စည်း လေးတွေလုပ်နိုင်အောင်နဲ့ ပြင်ဆင် မှု ပုံစံလေးတွေကို ဖော်ပြပေးသွားမှာ ဖြစ်ပါတယ်။ လေ့လာကြည့် ရအောင်….
၁။ ချည်မျှင်ကလေးတွေ၊ ချည်ထည်အပိုင်းအစလေးတွေက အ လွယ်ကူဆုံးနဲ့ ပြင်ဆင်လို့အကောင်းဆုံး သက်မွေးပစ္စည်းလေး တွေပါပဲ။ ပုံမှာပြထားသလို အိမ်တွင်းက အသုံးအဆောင်လေး တွေရဲ့အပြင်အဆင်မှာ အသုံးပြုပြင်ဆင်လို့ ရနိုင်ပါတယ်။
ဆေး ရောင်မျိုးစုံရှိလို့လည်း ပိုပြီးတော့ ဖန်တီးရလွယ်ကူပါတယ်။ အသုံး အဆောင်လေးတွေရဲ့ အပေါ်ကနေ ဖုံးတဲ့ အဝတ်စ၊ အကာလေး တွေ အဖြစ်အသုံးပြုရခြင်းပဲ ဖြစ်ပါတယ်။
၂။ အမွှေးပွပွ ချည်လုံးလေးတွေကတော့ တကယ့်ကို ချစ်စရာ ကောင်းတဲ့ အရာလေးတွေပါပဲ။ ရောင်စုံ အမွှေးပွပွ ချည်လုံးလေး တွေ၊ ဂွမ်းလုံးလေးတွေကို ချိတ်ဆွဲစရာ အလှဆင်ပစ္စည်းလေးတွေ ပြုလုပ်ပြီးတော့ ပုံဖ်ာအသုံးပြုနိုင်ပါတယ်။
ခန်းစီးလိုက်ကာလေးတွေ၊ ချစ်စရာကောင်းတဲ့ အလှဆင်ကြိုးတန်း၊ ချိတ်တန်းကလေးတွေ စသဖြင့် ပြင်ဆင်လို့ ရနိုင်ပါတယ်။ ရောင်စုံကျစ်ထားတဲ့ ကြိုးကလေး တွေ ဖြစ်လို့ ပိုပြီးတော့ စွဲဆောင်မှုရှိပြီး လှပနေမှာပါပဲ။
၃။ အဆင်မျိုးစုံ၊ ပုံသဏ္ဍာန်မျိုးစုံရှိတဲ့ ပိတ်စ၊ အဆင်ကလေးတွေက လည်း အိမ်ရဲ့အလှဆင်ပစ္စည်းလေးတွေအဖြစ် အသုံးပြုလို့ရနိုင်ပါ တယ်။ ဒီအပိုင်း ပိတ်စအပိုင်းအစတွေမို့လို့ စွန့်ပစ်ထားရမယ့် အရာ တွေကနေမှ မိမိစိတ်ကူးပုံဖော်လို့ရနိုင်တဲ့ ပစ္စည်းလေးတွေ ပြင်ဆင် နိုင်မှာပါ။
ချည်ထည်အပိုင်းအစလေးတွေကို ကြိမ်၊ ဝါး၊ သစ်သား ထည်လေးတွေနဲ့ ပေါင်းစပ်ပြီးတော့လည်း လိုရာပုံသွင်းယူနိုင်မှာပါ။
၎။ အလှဆင်ပစ္စည်းအသုံးအဆောင်လေးတွေ၊ အိမ်မှာ အသုံးပြုပြင် ဆင်မယ့် အိမ်တွင်းပစ္စည်းလေးတွေ အစရှိသဖြင့်တွေမှာလည်း ချည် လုံး၊ သိုးမွှေးလေးတွေနဲ့ ပေါင်းစပ်ပြီးတော့လည်း အလှဆင်ဖန်တီး နိုင်ပါသေးတယ်။
ဥပမာ ပန်းချီကားလေးတွေ၊ ဖန်ပုလင်း၊ အလှပန်း အိုးလေးတွေ၊ မီးဖိုချောင်သုံးပစ္စည်းလေးတွေ စသဖြင့်လည်း တွဲဖက် ပြီးတော့ ပြင်ဆင် အသုံးပြုနိုင်ပါတယ်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
